सोमवार, असार २, २०७६

कसरी पाउँदैछन् नेकपाका जिल्ला कमिटीले पूर्णता ? यस्तो छ जिल्ला सदस्य बन्ने मापदण्ड



काठमाडौं । नेकपा अध्यक्ष पुष्पकमल दाहाल प्रचण्डको भनाईलाई उर्दुत गर्ने हो भने फलामे ढोका फोरेर नेकपाका ७७ जिल्लामा अध्यक्ष र सचिव बाहिर निस्किएका छन् । तरपनि जिल्ला कमिटी पूर्णरुपमा गठन भइसकेको छैन ।

जिल्ला अध्यक्ष र सचिव टुंगो लगाएपछि जिल्ला कमिटी सदस्यको टुंगो लगाउने मापदण्ड तयार गरिएको छ । केन्द्रीय कार्यालयले प्रदेश कमिटीलाई पठाउन लागेको मापदण्डमा पुराना साविक जिल्ला सदस्यहरु यथावत रहनेछन् । सरकारी कर्मचारी वा शिक्षक भए उनीहरुलाई विदा गर्ने, नयाँ सदस्यता थप्दा वरिष्ठता र क्षमताका आधारमा थप्ने मापदण्ड बनाइएको छ ।

नयाँ थप्दा र केही पुरानालाई विदा गर्दा जिल्ला कमिटीका अध्यक्ष र सचिवको सिफारिसमा प्रदेश कमिटीले टुंग्याउने भएको छ । केन्द्रबाट मापदण्डको पत्र पुगेलगतै प्रदेश कमिटीले जिल्ला कमिटीसँग सदस्यहरुको नामावली माग्ने भएका छन् । जिल्ला कमिटीले पठाएको मापदण्डका आधारमा प्रदेश कमिटीले सदस्यहरुको टुंगो लगाउने भएको छ ।

नेकपाका सवै जिल्ला कमिटीहरु बैशाख महिनाभरी गठन गरिसक्ने पार्टी केन्द्रले प्रदेश कमिटीलाई निर्देशन दिन लागेको छ । अबको केही दिनमै प्रदेश कमिटीमा केन्द्रको पत्र पुग्ने नेकपाका एक स्थायी कमिटी सदस्यले बताए ।

जिल्ला कमिटीले पूर्णता पाएपछि नगर र गाउँ कमिटीले गठन हुनेछ । नगर र गाउँ कमिटी जिल्ला कमिटीले मापदण्ड बनाएर छनोट गर्नुपर्ने छ ।

प्रतिकृया दिनुहोस


सम्बन्धित समाचार


भर्खरै


    Team

    एस काठमाडौं प्रा. लि. नयाँ बानेश्वर, काठमाडौं, नेपाल

    सूचना विभाग दर्ता नं १३०८/०७५–७६

    अध्यक्ष तथा प्रधानसम्पादकः जीवन विसी

    उपसम्पादकः राजकुमार श्रेष्ठ

    प्रेस प्रतिनिधिः गणेश थापा

    ब्यवस्थापकः सन्तोष विसी

    फोन नं–९८५११३७७६२/९८४९६६२४८४

    [email protected]

    About

    एस काठमाडौं डटकम पृथक न्यूज पोटल हो । देशमा बढ्दै गएकोे भ्रष्टाचार, राजनीतिक बेथिति, क्राइम समाचारलाई एस काठमाडौंले बढि प्राथमिकता दिने गरेको छ । भ्रष्टाचारबिरुद्ध जागरुप बनाउन, राजनीतिक बेथितिबिरुद्ध जनमानसलाई जानकारी गराउने उदेश्य बोकेर एस काठमाडौ डटकम हामीले ल्याएका हौ ।

Subscribe

© copyright 2016-2019 and all right reserved to Yes Kathmandu | Site By : SobizTrend Technology