सोमवार, असार २, २०७६

ठाकुर गैरे र राजेन्द्र राई फेरी गुटको शिकार, नेकपाको पोलिटब्यूरोमा अटेनन्



उतिबेला कोमल ओली राष्टिय सभाको सांसद बन्दा गैरे सांसद बन्न सकेनन् । पार्टी शीर्ष नेताका नजरमा गैरेभन्दा कोलम ओली नै क्रान्तिकारी साविन भइन । यतिबेला २० जना पोलिटब्यूरोमा नयाँ सदस्य थपिदा संघिय समाजबादी फोरमबाट आएका बिजय सुब्वा अब्बल दर्ज भए । ठाकुर र राजेन्द्र फेरी एक पटक गुटको शिकार बनेका छन् ।

काठमाडौं । नेकपा शीर्ष तीन नेताको लामो रस्साकस्सीपछि पोलिटब्यूरोको सूचि तयार भएको छ । घोषणा गर्न बाँकी रहेको पोलिटब्यूरो सूचिमा पूर्वएमालेका दुई प्रभावशाली नेता ठाकुर गैरे र राजेन्द्र राई अट्न सकेनन् ।

एमालेको आठौ राष्टिय महाधिबेशनदेखि ठाकुर गैरे र राजेन्द्र राई केन्द्रीय सदस्य बनेका थिए । तीन कार्यकाल केन्द्रीय सदस्य बनिसकेका गैरे र राई पार्टी एकतापछि पोलिटब्यूरोको सूचिमा पर्न सकेनन् । गैरे र राईलाई पोलिटब्यूरो सदस्य बनाउन बरिष्ठ नेता माधव नेपालले निकै ठुलो कसरत गरेका थिए । तरपनि नेपालको कसरत काम लागेन ।

पूर्वएमालेबाट ८१ नेता पोलिटब्यूरो सदस्य बन्दैछन् । ६१ पूर्वपोलिटब्यूरो सदस्यहरु कायम रहेपनि २० नयाँ अनुहार पोलिटब्यूरोमा आउँदैछन् । २० जनामा गैरे र राईको नाम समावेश गरिएको छैन ।

औठौ राष्टिय महाधिबेशनबाट केन्द्रीय सदस्य बनेका ठाकुर गैरे निरन्तर केन्द्रीय सदस्य छन् । बिद्यार्थी राजनीतिबाट उदायका गैरे पार्टीभित्रको गुटबन्दीमा सवैभन्दा बढी प्रताडित नेता हुन् । गैरेलाई पाल्पाबाट गत निर्वाचनमा चुनाब लडाउने तयारी गरिएको थियो ।

अन्तिम समयमा आएर उनी गुटको शिकार बने । त्यसपछि गैरेलाई राष्टियसभाको उम्मेद्धार बनाउने हल्ला चल्यो । तर कोमल ओली राष्टिय सभाको सांसद बन्दा गैरे सांसद बन्न सकेनन् । पार्टी शीर्ष नेताका नजरमा गैरेभन्दा कोलम ओली नै क्रान्तिकारी साविन भइन ।
यतिबेला २० जना पोलिटब्यूरोमा नयाँ सदस्य थपिदा गैरे पनि थपिने निश्चित थियो । तर ओली समुहले गैरेको बाटो छेक्यो । गैरेलाई ल्याउन महासचिव बिष्णु पौडेलदेखि अध्यक्ष ओलीसम्म अनिच्छुक बने ।

अर्का युवा नेता राजेन्द्र राई पनि औठौ महाधिबेशनदेखि पार्टीको केन्द्रीय सदस्य छन् । आठौ राष्टिय महाधिबेशनमा उनी बैकल्पिक केन्द्रीय सदस्य भएका थिए । त्यसयता उनी केन्द्रीय सदस्यका रुपमा रहँदै आएका छन् । यतिबेला पोलिटब्यूरो सदस्य बन्ने सूचिमा उनको नाम पनि थियो । तर संघिय समाजवादी फोरमबाट फर्केका बिजय सुब्वालाई पोलिटब्यूरो सदस्य बनाउँदा राई फुत्केका छन् । वरिष्ठ नेता नेपाल बिजय सुब्वाका ठाउँमा राईलाई पोलिटब्यूरो सदस्य बनाउने कसरतमा थिए । तर पार्टी अध्यक्ष ओलीले अस्वीकार गरेपछि उनको पनि बाटो रोकिएको छ ।

प्रतिकृया दिनुहोस


सम्बन्धित समाचार


भर्खरै


    Team

    एस काठमाडौं प्रा. लि. नयाँ बानेश्वर, काठमाडौं, नेपाल

    सूचना विभाग दर्ता नं १३०८/०७५–७६

    अध्यक्ष तथा प्रधानसम्पादकः जीवन विसी

    उपसम्पादकः राजकुमार श्रेष्ठ

    प्रेस प्रतिनिधिः गणेश थापा

    ब्यवस्थापकः सन्तोष विसी

    फोन नं–९८५११३७७६२/९८४९६६२४८४

    [email protected]

    About

    एस काठमाडौं डटकम पृथक न्यूज पोटल हो । देशमा बढ्दै गएकोे भ्रष्टाचार, राजनीतिक बेथिति, क्राइम समाचारलाई एस काठमाडौंले बढि प्राथमिकता दिने गरेको छ । भ्रष्टाचारबिरुद्ध जागरुप बनाउन, राजनीतिक बेथितिबिरुद्ध जनमानसलाई जानकारी गराउने उदेश्य बोकेर एस काठमाडौ डटकम हामीले ल्याएका हौ ।

Subscribe

© copyright 2016-2019 and all right reserved to Yes Kathmandu | Site By : SobizTrend Technology